အလုပ်တစ်ဖက်၊ သားသမီးတစ်ဖက်နဲ့ Strong Mom ဖြစ်စေဖို့

မေမေတို့ရေ… သားသမီးတစ်ယောက်ကနေ နှစ်ယောက်ဖြစ်လာတဲ့အခါ မေမေတို့ရဲ့စိတ်သောကတွေ၊ အဆင်မပြေမှုတွေပိုလာတတ်တာသဘာဝပါပဲနော်။ အငယ်လေးမွေးပြီးချိန် Baby Blues ကိုခံစားရတတ်သလို သားကြီးသမီးကြီးကိုလည်း သနားတာတစ်ဖက်၊ အရင်လိုမေတ္တာအပြည့်ပေးချင်တာတစ်ဖက်နဲ့ပေါ့။

တစ်ခါတလေမှာလည်း အငယ်လေးကတစ်ဖက်နဲ့ အကြီးတွေကို စိတ်မရှည်နိုင်ဘဲ အော်မိတတ်ပြန်ပါသေးတယ်။ ပြီးတော့မှ စိတ်မကောင်းတွေဖြစ်၊ ပြန်ထွေးပွေ့မိတဲ့အဖြစ်တွေနဲ့လေ။

ပြီးတော့ ကလေးမွေးပြီးချိန်မှာ ကျန်းမာခြင်းနဲ့ကျစ်လစ်တဲ့အလှကိုပြန်လိုချင်မိတာကလည်း မိန်းမသားတိုင်းပါပဲနော်။ ငါပိုသန်မာမှဖြစ်တော့မယ်ဆိုတဲ့အသိတွေကလည်းထိုးနှက်လို့ နေပြန်သေးတယ်။

ဒီလိုပြဿနာတွေကို ပြေလည်စေဖို့အတွက်တော့ ယောဂကအသင့်တော်ဆုံးပါပဲ။ ယောဂလေ့ကျင့်ခြင်းက ကိုယ်ခန္ဓာအတွက်ကျန်းမာခြင်း၊ ခွန်အားပြည့်စေခြင်းအပြင် ကိုက်ခဲနာကျင်မှုတွေကိုလည်းသက်သာစေပါတယ်။ တဖြည်းဖြည်းနဲ့ပျော့ပျောင်းသော၊ ပုံပန်းကျနသော ခန္ဓာကိုယ်ကိုပြန်လည်တည်ဆောက်ပေးနိုင်ပါတယ်။

စိတ်တည်ငြိမ်မှုနဲ့အတူ ဘဝကပိုအဓိပ္ပါယ်ရှိလာပါတယ်။ ကိုယ့်ကိုယ်ကိုယ်လည်းမှန်မှန်ကန်ကန်ချစ်တတ်လာစေပါတယ်။ စိတ်တည်ငြိမ်အေးချမ်းလာတဲ့အတွက် ခင်ပွန်းသည်နဲ့ဆက်ဆံရေး၊ သားသမီးနဲ့ဆက်ဆံရေးမှာလည်း ပိုပြီးအဆင်ပြေလာစေပါတယ်။

စိတ်အင်အား၊ ကိုယ်ခန္ဓာအင်အားပြည့်ဝလာတဲ့အတွက် အလုပ်တွေပိုလုပ်လာနိုင်ပြီး Strong Mom တစ်ယောက်အဖြစ်ပုံပေါ်လာစေမှာဖြစ်ပါတယ်။

ယောဂကိုစိတ်ဝင်စားတဲ့မေမေတို့အတွက် UFit  ရဲ့ Yoga For Mom Series လေးကို လေ့ကျင့်ကြမယ်။