တက်ကြွလှုပ်ရှားနေရတာကြိုက်တယ်၊ စည်းချက်နဲ့အတူကခုန်ရတာကြိုက်တယ်၊ အဆီလည်းကျချင်တယ်၊ ဆယ်ကျော်သက်လေးတွေကိုပေါ့ပါးချင်တယ်ဆိုရင်တော့ Zumba ကအသင့်တော်ဆုံးပါပဲနော်။ ဂီတချစ်သူတွေအတွက်တော့ Zumba ကတကယ့်နိဗ္ဗာန်ဘုံဖြစ်စေမှာပါ။

Zumba ကဘယ်လိုလူတွေနဲ့သင့်တော်သလဲ၊ ဘယ်အရွယ်တွေနဲ့သင့်တော်သလဲလို့မေးရင် အရွယ်သုံးပါးလုံးနဲ့သင့်တော်တယ်၊ အားလုံးအတွက်အကျိုးရှိတယ်လို့ဖြေရမှာပါ။

-Zumba ဟာ စည်းချက်အညီလှုပ်ရှားရတာမို့ Fun ဖြစ်တယ်။ ငြီးငွေ့စရာမကောင်းဘူး။

– အသက်ကြီးသူ၊ ကိုယ်အလေးချိန်များနေသူတွေလည်း ရွေးချယ်နိုင်တယ်။

-နှလုံးကျန်းမာရေးကောင်းစေတယ်၊ ကြွက်သားနဲ့အရိုးတွေကိုသန်မာစေတယ်။

-စိတ်ဖိစီးမှုတွေကိုဖယ်ထုတ်ပေးပြီး တက်ကြွရွှင်လန်းစေတယ်။

-ပေါ့ပါးသွက်လက်စွာ လှုပ်ရှားသွားလာနိုင်စေတယ်။ ကိုယ်နေဟန်ထားလှပစေတယ်။

-ညောင်းညာကိုက်ခဲမှုတွေ ကင်းဝေးစေပါတယ်။

-Total Body Workout ဖြစ်တာမို့ တစ်ကိုယ်လုံးပျော့ပျောင်းလှပစေပါတယ်။

– Zumba မှာ အသက်အရွယ်ကန့်သတ်ချက်ဆိုတာမရှိပါဘူး၊ Fitness level ဘယ်လောက်ရောက်နေမှလေ့ကျင့်နိုင်တယ်ဆိုတာမျိုးလည်းမရှိတာမို့ တစ်မိသားစုလုံးအတွက်အဆင်ပြေပါတယ်။

ကဲ… ဒီနေ့ပဲ စည်းချက်နဲ့အတူ စလှုပ်ရှားကြည့်ရအောင်လား။